Семинари омӯзишӣ оид ба истифодаи сомонаи elibrary.ru

Дар санаи 06.01.2025 семинари омӯзишӣ оид ба истифодаи сомонаи elibrary.ru миёни устодони Донишгоҳ баргузор гардид.

Зимни суханронӣ муовини ректор оид ба илм ва татбиқот Яминзода З.А. ва декани факултети технологияҳои иттилоотӣ ва интеллекти сунъӣ Нусратзода М.Н. инъикоси корҳои илмиву тадқиқотии кормандони Донишгоҳи технологии Тоҷикистонро дар сомонаи elibrary.ru мавриди таҳлил қарор дода, роҳҳо ва тарзи дурусти ба қайд гирифтани муаллифонро дар сомонаи мазкур баррасӣ намуданд. Дар рафти семинар рейтинги факултетҳо ва кафедраҳо дар сомона мавриди муҳокима қарор гирифта, дар бахши музокирот омӯзгорон ва иштирокчиён саволҳо пешниҳод намунанд, ки ба онҳо ҷавобҳои мушаххас дода шуд.

Дар фарҷоми семинар муовини ректор Яминзода З.А. таъкид намуд, ки омӯзгорон ва кормандоне, ки то ҳол дар қайди сомонаи мазкур нестанд, ба қайд гирифта, мақолаҳои илмиашонро сари вақт ба саҳифаи худ ворид намоянд.