Семинари омӯзишӣ ҷиҳати иҷрои “стратегияи муқовимат бо терроризм ва экстремизм”

Дар асоси нақшаи кории Идораи корҳои тарбиявӣ ва идеологӣ санаи 24-уми январи соли равон, дар толори маҷлисгоҳи Донишгоҳ бо иштироки муовинони ректор Насриддинзода М.Ш., Шарифзода И.У., Ғафоров Ф.М., мушовири ректор Сафарзода Ғ. ва ҷалби зиёда аз 100 нафар кураторони гурӯҳҳои академӣ, деканони факултетҳо, мудирони кафедраҳо, муовинони декан оид ба тарбия, масъулини корҳои тарбиявӣ, семинари омӯзишӣ ҷиҳати иҷрои “Стратегияи муқовимат ба терроризм ва экстремизм дар Ҷумҳурии Тоҷикистон” барои солҳои 2021-2025 баргузор гардид.

Семинари мазкурро муовини ректор оид ба корҳои тарбиявӣ ва идеологӣ Шарифзода И.У. оғоз намуда, дар бораи тамоми ҷанбаҳои муҳими “Стратегияи муқовимат ба терроризм ва экстремизм дар Ҷумҳурии Тоҷикистон” ба ҳозирин бо пешниҳоди лексияву презинтатсияҳо вобаста ба ин мавзӯъ маълумотҳои фасеҳ пешниҳод намуд. Номбурда иброз намуд, ки терроризм ва экстремизм ҳамчун як вабои аср хатари глобалии ҷиддӣ буда, аъмоли он гувоҳ аст, ки терроризм ватан, миллат ва дину мазҳаб надорад. Ҳамзамон, як таҳдиде ба ҷомеаи ҷаҳонӣ ва ба ҷони ҳар як сокини сайёра мебошад. Ин зуҳуроти фалокатбор ҳеҷ умумияте ба дин, аз ҷумла ба дини мубини ислом надорад ва бо истифода аз номи дини мазкур ба хотири ҳадафҳои сиёҳу ғаразноки сиёсӣ пиёда карда мешавад.

Ба кураторони гурӯҳҳои академӣ супориш дода шуд, ки ҳамаи маводҳои омодашудро дар раванди дарсҳои кураторӣ мавриди омӯзишу баррасӣ қарор диҳанд ва ба донишҷӯён нисбат ба ин масъалаи доғи рӯз корҳои фаҳмондадиҳӣ гузаронанд, то онҳо аз хатари фалокатбори ин вабои бузурги аср, яъне терроризм ва экстремизм комилан огоҳи пайдо намуда, худ ва дигаронро аз хатари он эмин нигоҳ доранд.