ш. Душанбе, кӯч. Н.Қаробоев 63/3
Бо роҳнамоии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Донишгоҳи технологии Тоҷикистон фаъолияти худро дар самти густариши омӯзиши забонҳо пайваста таҳким бахшида, дар ҳамкорӣ бо Институти забономӯзии Шоҳ Сеҷонги Ҷумҳурии Кореяи Ҷанубӣ курсҳои омӯзиши забони кореягиро роҳандозӣ намудааст.
Вобаста ба ин, имрӯз бо ибтикори Маркази муштараки Тоҷикистону Кореяи назди Донишгоҳи технологии Тоҷикистон дар доираи фаъолияти «Маркази Институти забономӯзии Шоҳ Сеҷонг» чорабинии фарҳангӣ бахшида ба Рӯзи Алифбои Кореягӣ баргузор гардид.
Муовини ректор – Ғафоров Ф.М. сухани ифтитоҳиро оғоз намуда, меҳмонон ва ҳозиринро аз номи раёсати Донишгоҳ хайрамақдам гуфта, роҷеъ ба ҳамкориҳои тарайни миёни Донишгоҳ ва Маркази забономӯзии Донишкадаи шоҳ Сеҷонги Ҷумҳурии Корея баромад намуд.
Дар идома чорабинӣ шурӯъ гардида, барномаи он иборат аз озмунҳои ҷолиб буд:
«Хати беҳтарин»
«Иншонависӣ»
«Шеърнависӣ» ва «Шерхонӣ»
«Расмкашӣ»
Ҳадафи чорабинӣ – баланд бардоштани завқу шавқи шунавандагон ба омӯзиши фарҳанги ғанӣ ва таърихи Корея мебошад.
Ёдовар мешавем, ки Рӯзи Алифбои Кореягӣ ҷашни миллӣ буда, ҳамасола рӯзи 9-уми октябр дар Ҷумҳурии Корея таҷлил карда мешавад. Ин сана ҳамчун мероси фарҳанги ҷаҳонӣ эътироф гардида, яке аз рамзҳои ифтихори миллӣ ва сатҳи баланди фарҳангии мардуми Корея мебошад.Дар хотима ба ғолибони озмӯн сертификатҳо ва тӯҳфаҳои хотиравӣ тақдим гардид.
