Ташрифи сафири Ҷумҳурии Фаронса дар Ҷумҳурии Тоҷикистон ба донишгоҳ

Сафири Ҷумҳурии Фаронса дар Ҷумҳурии Тоҷикистон Элза Пинол ба Донишгоҳи технологии Тоҷикистон ташриф оварда, бо ректори Донишгоҳ Раҳмонзода Зоир Файзалӣ мулоқот намуд.

Зимни мулоқот Раҳмонзода З.Ф. ташрифи хонум Элза Пинолро ба донишгоҳ қадами муҳим дар тақвияти ҳамкориҳои мутақобилаи судманд бо муассисаҳои таълимию илмии Ҷумҳурии Фаронса арзёбӣ намуда, меҳмонро бо дастовардҳои таълимию илмии донишгоҳ шинос намуд.

Баъдан ҷонибҳо баррасии ҷабҳаҳои гуногуни ҳамкориҳо бо муассисаҳои таълимӣ ва илмии Ҷумҳурии Фаронса, аз ҷумла мубодилаи таҷриба ва ҷалби мутахассисони варзидаи соҳавиро барои тадриси фанҳои алоҳида дар донишгоҳ, ташкили курсҳои забономӯзӣ, иштирок дар лоиҳаҳои барномаҳои байналмилалӣ дар самтҳои авзалиятноки илм ва технология (технологияҳои рақамӣ, интеллекти сунъӣ, саноати хӯрокворӣ ва сабук ва ғ.), гузаронидани таҳқиқоти илмии муштарак дар соҳаи моликияти зеҳнӣ ва инноватсияҳо, тавсеаи иштирок дар барномаҳои мубодилаи академии донишҷӯён ва омӯзгорон, сайқал додани маҳорати касбии ҳайати омӯзгорон табодули афкор намуданд.

Дар фаранҷоми вохӯрӣ аз ҷониби роҳбарияти донишгоҳ ба меҳмон ҳамчун рамзи дӯстӣ туҳфаи хотиравӣ тақдим гардид.

ДТТ, 05.02.2025