Асозода Самариддин Ҳушёр

• Рӯзу моҳу соли таваллуд: 25-уми майи соли 1972, Ҷумҳурии Тоҷикистон.
• Таҳсилот: Олӣ, Донишгоҳи миллии Тоҷикистон (соли хатм 1999);
• Муҳассили факултети технологияҳои иттилоотӣ ва интеллекти сунъӣ, ихтисоси «Технология ва низоми иттилоотӣ» (дар иқтисодиёт)-и Донишгоҳи технологии Тоҷикистон.
• Узвият: Ҳизби халқии демократии Тоҷикистон (ҲХДТ); Иттифоқи журналистони Тоҷикистон (аз соли 2007).

• Мукофотҳо: Медали «Хизмати шоиста» (бо Фармони Президенти мамлакат аз 28 июли соли 2017 таҳти № 904);
• Нишону унвонҳои соҳавӣ: «Аълочии матбуоти Ҷумҳурии Тоҷикистон» (2002), «Аълочии фахрии маорифи Ҷумҳурии Тоҷикистон» (2011), «Аълочии фарҳанги Ҷумҳурии Тоҷикистон» (2012), «Корманди шоистаи тарбияи ҷисмонӣ ва варзиши Ҷумҳурии Тоҷикистон» (2015), Ифтихорномаи Маҷлиси намояндагони Маҷлиси Олии Ҷумҳурии Тоҷикистон (2021).

• Ҷоизаҳо: Барандаи Ҷоизаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар соҳаи журналистика (2005) ва Ҷоизаи Иттифоқи журналистони Тоҷикистон ба номи Абулқосим Лоҳутӣ (2010).
• Мукофотҳои байналмилалӣ: Нишони ифтихории «Барои хизмати шоиста дар рушди матбуот ва иттилоот»-и Ассамблеяи байнипарлумонии давлатҳои аъзои Иттиҳоди Давлатҳои Мустақил (ИДМ) ва Ифтихорномаи фахрии Ассамблеяи байнипарлумонии Созмони аҳдномаи амнияти дастаҷамъӣ (СААД).

Фаъолияти корӣ:

• Солҳои 1990–1991 – Хизмат дар сафи Қувваҳои Мусаллаҳи ИҶШС (СССР).
• Соли 1991 (11–12) – Мусаҳҳеҳи рӯзномаи «Гулистон».
• Солҳои 1991–1992 – Шунавандаи шуъбаи тайёрии ДДМТ.
• Солҳои 1992–1993 – Масъули чопи ҳафтаномаи «Адабиёт ва санъат».
• Солҳои 1993–1995 – Хабарнигори рӯзномаи «Нидои ранҷбар».
• Солҳои 1995–1997 – Сардори шуъбаи маъмурии Ширкати синамо ва видеои ҷумҳуриявии «Тоҷиккино», шаҳри Душанбе.
• Солҳои 1997–1999 – Хабарнигори рӯзномаи «Гулистон».
• Солҳои 1999–2000 – Хабарнигор, котиби масъул ва муовини сармуҳаррири рӯзномаи «Наврӯзи Ватан», шаҳри Душанбе.
• Солҳои 2000–2005 – Мухбири калон, муовини аввали котиби масъули рӯзномаи «Ҷумҳурият», шаҳри Душанбе.
• Солҳои 2005–2006 – Муовини сармуҳаррири Идораи барномаҳои иттилоотии Шабакаи якуми Телевизиони Тоҷикистон.
• Солҳои 2006–2015 – Сармуҳаррири ҳафтаномаи «Ҷавонони Тоҷикистон».
• Солҳои 2015–2016 – Муовини якуми сармуҳаррири рӯзномаи «Ҷумҳурият».
• Солҳои 2016–2022 – Сармуҳаррири рӯзномаи «Садои мардум».
• Солҳои 2022–2023 – Сармуҳаррири маҷаллаи «Дилкушо».
• 05 – 30.12.2023 – Мутахассиси Бахши иттилоот ва кор бо ВАО-и Раёсати стандартҳо, таҳлил, рушд ва ҳамкориҳои байналмилалии Палатаи ҳисоб (бо шартномаи меҳнатӣ).
• Солҳои 2024–2025 – Мутахассиси банақшагирии ВАО ва таҳияи стратегияҳои иттилоотӣ, мудири Студияи телевизиони таълимии Хадамоти матбуот ва мушовири ректори Донишгоҳи славянии Россия ва Тоҷикистон.
• Эҷодиёт: Муаллифи китобҳои «Бе ман нахандед» (2000), «Ашки ханда» (2012) ва садҳо мақолаи таҳлилию танқидӣ, тадқиқотию проблемавӣ-пешниҳодӣ, иттилоотию таҳлилӣ-тафсирӣ, илмӣ-оммавӣ ва тақризию публитсистӣ бо забонҳои тоҷикӣ, русӣ, немисӣ ва англисӣ, ки дар нашрияҳои дохил ва хориҷи кишвар чоп шудаанд.
• Забондонӣ: Русӣ, англисӣ (бо луғат).
• Вазъи оилавӣ: Оиладор, соҳиби се фарзанд.