Идораи татбиқи стратегияҳо ва технологияҳои инноватсионӣ

Фаъолияти Идора дар доираи мақсад ва вазифаҳои гузошташудааш ба ҳамоҳангсозии фаъолияти зерсохторҳои тобеъи худ оид ба ҳалли масъалаҳои мубрами раванди таълим, корҳои илмию инноватсионӣ ва идоракунии Донишгоҳ аз қабили:

• таҳия ва татбиқи стратегияи рушди донишгоҳ, татбиқи стратегияҳои миллии рушд ва дигар стратегияҳои соҳавӣ;
• пешниҳод намудани хизматрасониҳои техникии воситаҳои технологияҳои иттилоотӣ;
• таъсис ва танзими кори шабакаҳои маҳаллии компютерӣ ва дастрасӣ ба шабакаи Интернет;
• танзими фаъолияти академияи шабакавии CISCO-и назди Донишгоҳ;
• ҷорӣ намудани технологияҳои муосири инноватсионӣ дар ҷараёни таълим;
• ба роҳ мондани бозомӯзии касбии кормандон ва омӯзгорон;
• мунтазам такмил додани низоми идоракунии электронии донишгоҳ;
• амалисозии нақшаю барномаҳои донишгоҳ оид ба мустаҳкам намудани базаи моддию техникии донишгоҳ ва таъсиси озмоишгоҳҳои тахассусӣ;
• мусоидат ва дастгирии рушди касбият ва такмили ихтисоси донишҷӯёну хатмкунандагон, ба ҷои кор сафарбар намудан ва мунтазам ба роҳ мондани мониторинги хатмкунандагон;
• ташкил ва гузаронидани курсҳои кӯтоҳмуддат ва дарозмуддат аз рӯйи самт ва равияҳои мухталиф (тибқи иҷозатнома) барои доираи васеи шунавандагон дар сатҳҳои гуногун (навомӯз, миёна ва пешрафта) тариқи ҳузурӣ (иштироки бевосита, оффлайн) ва дар реҷаи бархат (фосилавӣ, онлайн)

нигаронида шудааст.

             Ба сохтори Идора зерсохторҳои зерин дохил ҳастанд:

• шуъбаи татбиқи стратегияҳо;
• маркази технологияҳои иттилоотӣ ва рақамикунонӣ;
• маркази омӯзишӣ, сертификатсионӣ ва рушди инноватсия;
• шуъбаи рушди касбият ва мониторинги хатмкунандагон.

Дар навбати худ шуъба ва марказҳои номбурда зерсохторҳои худ- бахшҳоро доранд, ки дар маҷмуъ ҳамаи онҳо ба сохтори идоравии Идора мансуб мебошанд.

Мақсади фаъолияти Идора дар доираи иҷрои вазифаҳои оинномавии Донишгоҳ ба пайгирӣ намудани тамоюлҳои муосири рушди технологияҳои инноватсионии ҷаҳонӣ, барномаҳову стратегияҳои давлатӣ ва дар ин замина фароҳам сохтани муҳити инноватсионӣ барои рушди бемайлони технологияҳои муосири иттилоотӣ, технологияҳои таълимӣ, сатҳи касбияти ҳайати омӯзгорону профессорон, рақобатпазирии хатмкунандагон дар бозори меҳнат ва рақобатпазирии Донишгоҳ дар системаҳои рейтингии муассисаҳои таҳсилоти олии ҷаҳонӣ нигаронида шудааст.

             Вазифаҳои асосии Идора аз инҳо иборат аст:

• ба роҳ мондани ҳамкорӣ бо ташкилоту муассисаҳои давлатӣ, муассисаҳои таълимӣ, илмӣ ва ташкилоту созмонҳои байналмилалӣ бо мақсади омӯзиши таҷрибаи онҳо дар самти татбиқи технологияҳои инноватсионӣ дар соҳаи таҳсилоти олӣ;
• ҷустуҷӯи сарчашмаҳои алтернативии маблағӯзорӣ барои рушду инкишоф додани потенсиали кадриву омӯзгорӣ мутобиқ ба талаботи меъёрҳои ҷаҳонии таҳсилот ва заминаҳои моддиву техникӣ оид ба аз худ намудан ва татбиқ кардани технологияҳои инноватсионӣ дар раванди таълим ва идоракунии Донишгоҳ;
• танзим ва ҳамоҳангсозӣ намудани фаъолияти шуъбаи татбиқи стратегияҳо вобаста ба мақсаду вазифаҳои дар низомномаи шуъбаи мазкур овардашуда бо мақсади таъмин намудани самаранокӣ ва натиҷаҳои интизорӣ;
• танзим ва ҳамоҳангсозӣ намудани фаъолияти маркази технологияҳои иттилоотӣ ва рақамикунонӣ вобаста ба мақсаду вазифаҳои дар низомномаи маркази макзур овардашуда бо мақсади таъмин намудани самаранокӣ ва натиҷаҳои интизорӣ;
• танзим ва ҳамоҳангсозӣ намудани фаъолияти маркази омӯзишӣ, сертификатсионӣ ва рушди инноватсия вобаста ба мақсаду вазифаҳои дар низомномаи маркази мазкур овардашуда бо мақсади таъмин намудани самаранокӣ ва натиҷаҳои интизорӣ;
• омодасозии маълумот, ҳисобот ва ҳуҷҷатҳои дигар дар бораи нишондиҳандаҳои фаъолияти Идора барои пешниҳод ба сохторҳои марбута;
• таҳияи ҳуҷҷатҳои меъёрию дохилии ба фаъолияти Идора алоқаманд (тартиб, дастурамал, дастурҳои методӣ, нишондодҳо ва ғайра);
• иҷрои саривақтии фармоишҳои ректори Донишгоҳ ва дастуру супоришҳои муовини ректор, ичунин фаъолияти дигар, ки барои пешравии кори Идора мусоидат мекунад.