Кафедраи математикаи олӣ ва информатика

Аз рӯзи аввали таъсис ёфтани донишгоҳ кафедраи умумитаълимӣ (баъдан кафедраи математикаи олӣ) мақоми байнифакултетиро соҳиб буд. Ба ҳайси аввалин мудири кафедраи умумитаълимӣ – н.и.ф.-м., дотсент Ашуров С.Б. ва аз соли 1991 н.и.ф.-м., дотсент Ғаниев Маҳмадҷон Ғаниевич ба сифати мудири кафедра фаъолият намудаанд. Дар сохтори кафедраи фанҳои умумитаълимӣ он замон шахсони зерин кор мекарданд: н.и.ф.-м., дотсент Абдуллоев Неъматулло Саъдуллоевич, н.и.ф.-м., и.в. дотсент Негматова Гавҳар Деҳқоновна, муаллими калон Сайфулло Бобоев, омӯзгорони ҳамкор Алим Шамсиддинов, Мирзо Юсупов, Илҳомиддин Сироҷиддинов, Марҳабо Исмоилова, Озар Раҳматов, Тоҷиддин Раҷабов, Муҳтарам Хоҷабекова, Хуршед Мақсудов, Мубаширхон Раҳимова, Саттор Байзоев ва Юсуфҷон Нозимов.

Баъдан кафедраи математикаи олӣ ба сохтори Маркази компютерӣ ва Департаменти математикаи олӣ ва информатика шомил мегардад. Дар соли 2000 кафедраи «Математикаи олӣ ва информатика» ташкил ёфт ва сарварии онро номзади илмҳои техникӣ Ли Игорь Романович бар уҳда дошт.

Дар соли 2001 кафедраи «Математикаи олӣ» ба сохтори факултети технологияҳои иттилоотӣ ва коммуникатсионӣ ворид мешавад ва сарварии онро н.и. ф.-м., дотсент Шабозов Одилхон Шабозович бар уҳда дошт. То соли 2006 таҳти сарварии ин шахси муътабар устодони кафедра таълими фанҳои математикаи олӣ ва информатикаро дар тамоми донишгоҳ таъмин намуданд.

Аз соли 2006 то соли 2007 кафедраро н.и.ф.-м., дотсент Козиҷонова Дилбар Маърифатовна, аз соли 2007 то соли 2009 н.и.ф.-м., дотсент Сайдуллоева Раъно Рафиевна, аз соли 2009 то соли 2011 н.и.ф.-м., и.в. дотсент Зарипов Саидаҳмад Асрорович, аз соли 2011 то соли  2012  н.и.ф.-м., и.в. дотсент Акобиршоев Муҳиддин Отамшоевич, аз соли 2012 то моҳи феврали 2015 н.и.ф.-м., и.в. дотсент Зарифбеков Мародбек Ширинбекович роҳбарӣ кардаанд.

Аз соли 2015 кафедраи математикаи олиро бо кафедраи информатика якчоя намуданд ва он унвони «Кафедраи математикаи олӣ ва информатика» – ро гирифт, ки роҳбариашро то феврали соли  2020  н.и.ф.-м., и.в. дотсент Озодбекова Наҷмия Бекназаровна бар уҳда дошт.

Аз феврали соли 2020 н.и.ф.-м., и.в. дотсент Айдармамадов Алишер Ғуломалиевич ба ҳайси мудири кафедра таъйин шудааст.

Аз рӯзҳои аввали таъсиси донишгоҳ устодони муътабар Солиев Юнус Солиевич, Шабозов Одилхон Шабозович, Козиҷонова Дилбар Маърифатовна ҳамчун кормандони штатии кафедра дар тарбияи насли наврас саҳми босазо гузоштаанд. Аз соли 2007 то 2015 муаллима Танасова Татьяна Александровна, ки таҷрибаи бойи педагогӣ дошт, дар гурӯҳҳои таълимашон ба забони русӣ ба донишҷӯён нозукиҳои фанни риёзиро меомӯзонд.

Айни замон дар кафедра зиёда аз 16 нафар устодони штатӣ кору фаъолият менамоянд. Дар баробари устодони шинохта, ба монанди н.и.ф.-м., д.и.и., профессор Ашуров С.Б., н.и.ф.-м., и.в. дотсент  Зарифбеков М.Ш., н.и.ф.-м., и.в. дотсент Негматова Г.Д., н.и.ф.-м., дотсент Алиқулов Р.Р., н.и.ф.-м., дотсент Акобиршоев М.О., н.и.ф.-м., дотсент Садуллоева Р.Р., н.и.ф.-м., и.в. дотсент Озодбекова Н.Б., н.и.ф.-м., и.в. дотсент Айдармамадов А.Ғ., ки солҳои тулонӣ ба донишҷӯён аз фанни «Математикаи олӣ» ва дигар фанҳои риёзӣ машғулиятҳо мегузаронанд, як қатор устодони ҷавон дар ҷодаи илму маърифат меҳнат намуда, соҳиби обрӯю иззати аҳли ҷомеа гардидаанд.