Рабиева Тахмина Мукимовна

номзади илмҳои иқтисодӣ

Сардори идораи корҳои илмӣ-таҳқиқотӣ

Рабиева Тахмина Мукимовна – н.и.и., муаллифи  зиёда аз   30 мақолаҳои илмӣ, 10 корҳои методӣ, санадҳои татбиқӣ.  Дорои Ифтихорнамаи Академияи илмҳои Ҷумҳурии Тоҷикистон, Ифтихорнамаи Вазорати маориф ва илми  Ҷумҳурии Тоҷикистон, якчанд сертификатҳои байналмилалӣ дар соҳаҳои гуногуни иқтисодиёт ва менеҷмент мебошад. Вакили Маҷлиси вакилони халқии ноҳияи Фирдавии ш. Душанбе .

Мақсаду вазифаҳои асосии идораи корҳои илмӣ-таҳқиқотии Донишгоҳи технологии Тоҷикистон ба ташкил, назорат ва танзими фаъолияти илмӣ-назариявӣ ва илмӣ-амалии сохторҳои дахлдори донишгоҳ, ташкил, татбиқ ва назорати иҷрои нақшаҳои ҷорӣ ва дарозмуҳлати фаъолияти илмии факултетҳои донишгоҳ дар асоси талабот ва ҳуҷҷатҳои меъёрӣ-ҳуқуқии соҳаи маориф ва илми Ҷумҳурии Тоҷикистон ва Комиссияи Олии Аттестатсионии назди Президенти Ҷумҳурии Тоҷикистон равона карда шудааст.

Самтҳои асосии фаъолияти идора:

-ташкил ва гузаронидани чорабиниҳои илмӣ;

-таъмини иштироки олимон, омӯзгорон, докторантон, унвонҷӯён, аспирантон, магистрон ва донишҷӯён дар конференсияҳои илмӣ-амалӣ ва озмунҳо, семинарҳои илмӣ-назариявӣ ва муҳокимаи корҳои илмӣ, анҷуманҳо ва чорабиниҳои илмии сатҳи донишгоҳӣ, шаҳрӣ, вилоятӣ, ҷумҳуриявӣ ва байналмилалӣ;

-ташкили раванди пешбурди корҳои илмӣ-таҳқиқотӣ ва татбиқи самараноки онҳо дар истеҳсолот;

-такмил ва назорати пайвастаи фаъолияти илмӣ-таҳқиқотии воҳидҳои сохтории донишгоҳ, маҳфил ва семинарҳои илмии донишҷӯён;

-такмил ва назорати фаъолияти марбут ба таҳриру тасҳеҳи таълифоти илмӣ;

-ташкил ва ҳамоҳангсозии иртиботи дастовардҳои илмии донишгоҳ бо истеҳсолот ва ғайра.

Идораи корҳои илмӣ-таҳқиқотии Департаменти илм ва татбиқот аз воҳидҳои сохтории зерин иборат мебошад:

-Шуъбаи омодасозии кадрҳои илмӣ ва илмӣ-педагогӣ;

-Шуъбаи магистратура;

-Шӯрои диссертатсионӣ;

-Шӯрои олимони ҷавон;

-Идораи маҷаллаи «Паёми ДТТ».