Маркази интиқоли технология, таҳсилот ва соҳибкорӣ (МТТС) бахши сохтории Донишгоҳи технологии Тоҷикистон мебошад.

Маркази мазкур моҳи феврали соли 2020 таъсис дода шудааст. Ин яке аз натиҷаҳои ҳамкориҳои шарикии бисёрсолаи байни Донишгоҳи технологии Тоҷикистон ва Лоиҳаи GIZ «Таҳсилоти касбӣ дар Осиёи Марказӣ» мебошад.

Мақсадҳои асосии фаъолияти МТТС – мусоидат намудан ба рушди фаъолияти инноватсионӣ дар ДТТ ва фароҳам овардани шароитҳои самаранок барои ҳамкории донишгоҳ бо саноат мебошад, ки тавассути таъмини интиқоли натиҷаҳои корҳои илмӣ-тадқиқотии кормандони ДТТ ба воситаи иҷозатномадиҳии технологияҳои патентшуда таъмин карда мешавад. Инчунин тиҷоратикунонии коркардҳои илмӣ бо роҳи гузаронидани чорабиниҳои таълимӣ, ки барои ҷорӣ намудани ихтирооти нави илмӣ, ё технологияҳои инноватсионӣ, услубҳо ва усулҳои нав ба бахши хусусӣ мусоидат карда метавонанд.

Донишгоҳи технологии Тоҷикистон

734055, ш. Душанбе, Ҷумҳурии Тоҷикистон

к. Н. Қарабоев 63/3, бинои 1-ум, ошёнаи 4, утоқи 412.