Факултети иқтисодиёти ҷаҳон ва маркетинг

Хабарҳо 

ҶОИ ИФТИХОРӢ ДАР ОЛИМПИАДАИ ҶУМҲУРИЯВӢ ДАР БАЙНИ ДОНИШҶӮЁНИ МУАССИСАҲОИ ОЛИИ КАСБИИ ҶТ

ЭЪЛОН!

БАРГУЗОРИИ МАРОСИМИ ДИПЛОМСУПОРӢ БА ХАТМКУНАНДАГОН

Санаи 30.06.2018 дар толори маҷлисгоҳи Донишгоҳи технологии Тоҷикистон дар шароити пуртантана маросими супоридани диплом ба хатмкунандагони соли таҳсили 2017-2018 баргузор гардид. Дар маросими мазкур роҳбарияти донишгоҳ, хатмкунандагон ва волидайни онҳо ширкат варзиданд. Ректори Донишгоҳ Амонзода И.Т. дар баромади худ хатмкунандагонро ба муносибати гирифтани диплом табрик намуда, ба фаъолияти минбаъдаи онҳо барору комёбиҳо орзу намуданд. Қайд кардан ба маврид аст, ки соли таҳсили 2017-2018 Факултети иқтисодиёти ҷаҳон ва маркетингро 111 нафар хатм намуданд, ки аз онҳо 13 нафар сазовори дипломи аъло гаштанд. дар маросими дипломсупорӣ инчунин ба 5 нафар хатмкунандагони факултет ифтихорномаи ректори донишгоҳ ва ба 2 нафари дигар сипосномаи ректори донишгоҳ супорида шуд. Баъди маросими супоридани диплому ифтихорномаҳо барномаи консертии омоданамудаи ансамбли «Зуҳал»-и Донишгоҳ баргузор шуд.

Садорати факултети иқтисодиёти ҷаҳон ва маркетинг тамоми хатмкунандагонро бо ҷамъбасти бомуваффақонаи таҳсили зинаи бакалавр табрик намуда, барои расидан ба қуллаҳои нави илму дониш дар таҳсил ва фаъолияти меҳнатии ояндаи онҳо зафару бурдбориҳо таманно мекунад.

Декан ФИҶМ                                                     н.и.и., Сатторов А.А.